«Мана сизга кир ювадиган машина-ю, мана сизга телевизор!» Тошкентнинг «Пахтакор» Damas автомобилини ютуқ сифатида ўйнаган учрашувида Олий лиганинг дебютант клубига имкониятни бой берди.
Ўзбекистон Олий лигасининг 3-турида Самарқанднинг «Динамо» клуби «Пахтакор»да меҳмон бўлди. Учрашув тақдирини ҳал қилган ягона гол 89-дақиқада Раду Рогак томонидар урилди.
Самарқанд клуби бунга қадар Бекободда «Металлург» устидан 2:0 ҳисобида зафар қучган бўлса, ўз майдонида «Шўртан»дан устун келганди — 3:0. Мазкур икки ғалаба «Динамо»ни 2-турдан кейин пешқадамга айлантирганди. Клуб 3-турда ҳам ғалабали юришини давом эттирди. Шунингдек, ўз дарвозасидан гол ўтказиб юбормади.
Чемпионатни «Қизилқум» устидан зафар қучиш билан бошлаган «пахтакорчилар» эса ўтган турда ҳам гол уришнинг уддасидан чиқа олмаганди. Бу ҳолат кетма-кет икки турда давом этди. Қайд этиш керак, Самвел Бабаян Ўзбекистон миллий терма жамоасига энг кўп «Пахтакор» футболчиларини жалб қилади.
Маълумот учун, Самарқанд клуби Тошкентда «Пахтакор»ни фақатгина бир марта мағлуб этганди. Бу эса тарихдаги иккинчи ғалаба бўлди.
Ўзбекистон Олий лигаси 3-тур 12 март, якшанба
Изоҳ (0)