Жанубий Кореянинг Samsung корпорацияси собиқ раҳбари Ли Чжэ Ён Сеул судида ўз иши кўриб чиқилаётган пайтда эълон қилинган айбловларнинг барчасини рад этади. Бу ҳақда Reuters унинг адвокатига таяниб хабар берди, деб ёзади «ТАСС». Ли Чжэ Ён 2015 йилда компаниянинг иккита филиали қўшилиши чоғида порахўрликда гумон қилинмоқда.
Ли Чжэ Ённинг ўзи иш бўйича дастлабки эшитишларда қатнашмади, унинг манфаатларини адвокати ҳимоя қилди.
Маълумот учун, Ли Чжэ Ён 17 февралда ҳибсга олинди ва шундан бери Сеул яқинидаги қамоқхонада сақлаб келинмоқда.
Тергов версиясига кўра, айнан Ли Чжэ Ён мамлакатнинг ўз лавозимидан четлатилган президенти Пак Кин Хенинг яқин дугонаси Чхве Сун Силга молиявий кўмак бериш тўғрисида қарор қабул қилган, бунинг эвазига компанияга ўз бизнесини янада самаралироқ юритиши учун ҳукумат томонидан турли енгилликлар берилган.
Изоҳ (0)