Жанубий Кореянинг Samsung корпорацияси Америка иқтисодиётига камида 300 миллион доллар инвестиция киритиб, АҚШдаги ўз ишлаб чиқаришини кенгайтириш ниятида. Бу ҳақда The Wall Street Journal хабар берди, деб ёзади «ТАСС».
Унинг манбалари берган маълумотларга кўра, Samsung’нинг режалари натижасида АҚШда камида 500 та янги иш ўринлари пайдо бўлиши мумкин, аммо келажакда ушбу рақам қўшимча инвестициялар оқими билан бирга ўсиши кутилмоқда. Бунда гап асосан маиший техника корхоналарини яратиш ҳақида бормоқда. Жанубий Корея компанияси вакиллари янги йиғиш корхонаси жойлашадиган жойни танлашдан олдин Американинг бир нечта штатлари ҳукуматлари билан музокаралар олиб бормоқда.
Нашр таъкидлашича, Samsung’нинг АҚШдаги ишлаб чиқаришни ўстиришга нисбатан қизиқиши ошишига Дональд Трампнинг мамлакат президенти этиб сайланиши сабабчидир. Ўз сайловолди кампанияси чоғида у Америка иқтисодиётидаги иш ўринларини сезиларли равишда кўпайтириш нияти ҳақида бир неча бора айтиб ўтган.
Samsung шундай режалари борлигини тасдиқлади, аммо улар дастлабки муҳокама босқичида эканлигига аниқлик киритди.
Изоҳ (0)