АҚШнинг Пенсильвания университети олимлари томонидан ташкил қилинган Ghost Robotics компанияси тўрт оёқли Minitaur роботининг такомиллаштирилган кўринишининг синовларини намойиш қилди. Энди робот турли паст-баландликдаги жойларда ҳаракатланиши, машиналар остидан ўтиши ва музда сирпаниб юриши мумкин. Бу ҳақда IEEE Spectrum нашрига таяниб, Tjournal хабар берди.
Муҳандислар робот оёқларини такомиллаштирди. Эгилувчан элементлардан воз кечилиб, электродвигатель ҳисобига кучли зарбаларни енгиллаштириш таклиф қилинди.
Роликда иккита роботнинг майсазор бўйлаб ҳаракатланишини, тўсиқлардан сакраб ўтишини, қор, муз ва тошлар устида юришини ва машина остидан ўтишини кўриш мумкин.
Роботнинг вазни олти килограммни ташкил қилади. Шунингдек, Minitaur уч килограммгача бўлган юкни кўтара олади. Роботнинг энг юқори сакраш баландлиги 48 сантиметрни ташкил қилади, ҳаракатланиш тезлиги эса секундига икки метргача етиши мумкин. Батарея қуввати роботнинг 20 дақиқа мустақил ишлаши учун етади. Робот ҳали сотувга чиқарилмади. У тахминан 1500 долларга баҳоланмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)