Ўзбекистон Президенти Шавкат Мирзиёев ва Туркманистон президенти Гурбангули Бердимуҳамедов Амударё орқали ўтган Туркманобод — Фароб автомобиль кўпригини очиб берди. Бу ҳақда «Туркменистан сегодня» хабар бермоқда.
Очилиш маросими давлат раҳбарлари янги фойдаланишга топширилган темир йўл кўприги орқали етиб келган дарёнинг ўнг қирғоғида бўлиб ўтди. Шавкат Мирзиёев ва Гурбангули Бердимуҳамедов кортежлари замонавий эстакада бўйлаб ҳаракатланди.
Автомобиль кўпригининг тўрт полосали қатнов йўли эни 21,5 метрни ташкил этади. Икки томонда 1,5 метрли йўловчилар йўлаги ўрин олган.
Шавкат Мирзиёев ва Гурбангули Бердимуҳамедов Амударёнинг ўнг қирғоғида кўприкларда очилган ҳаракатни кузатди. Улардан бири орқали Ўзбекистондан темир йўл таркиби кириб келди. Иккинчисидан эса карбамид, текстил ва бошқа маҳсулотлар юклаган автомобиллар Ўзбекистонга йўл олди.
Изоҳ (0)