6 март куни халқ депутатлари Хоразм вилояти Шовот туман Кенгашининг сессияси бўлиб ўтди. Ўзбекистон Олий Мажлиси Қонунчилик палатаси ахборот хизматининг хабар беришича, сессияда жорий ташрифи давомида туман соғлиқни сақлаш соҳасидаги вазиятга эътибор қаратган парламент депутатлари ва сенаторлари гуруҳининг ҳисобот ва тавсиялари тингланган.
Ташриф давомида қишлоқ врачлик пунктлари фаолияти ҳамда аҳолига тиббий хизмат кўрсатиш сифати ва дори-дармон воситалари билан таъминлашни янада яхшилаш масалалари айниқса чуқур таҳлил қилинган.
Ўрганишлар давомида фуқаролар тиббий хизмат кўрсатиш борасида мавжуд қишлоқ врачлик пунктлари ишини тубдан қайта кўриш, уларни малакали тиббий ходимлар ва зарур дори-дармонлар билан таъминлаш юзасидан фикрлар билдирилган.
«Ўрганиш натижаларига кўра, туман тиббиёт бирлашмасида 24 та олий маълумотли шифокорлар етишмаслиги аниқланган. Тез ёрдам хизмати фаолияти ҳам талаб даражасида эмас. Сессияда ушбу ҳолатлар ечимига доир бир қатор таклиф ва тавсиялар ишлаб чиқилди», — дейилади расмий ахборотда.
Шу билан бирга, ўрганиш натижалари туманда бошқа соҳалар жумладан, аҳоли бандлигини таъминлаш, фуқароларга савдо ва маиший, коммунал хизмат кўрсатиш борасида ҳали ўз ечимини кутаётган бир қатор камчиликлар мавжудлигини кўрсатмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)