Фарғона вилоят прокуратураси ташаббуси билан алимент ундириш билан боғлиқ суд қарорлари ижроси устидан назоратни янада кучайтириш мақсадида вилоят ҳокимлиги, ИИБ, суд ижро департаменти, «Маҳалла» жамоат фонди ҳамда меҳнат бош бошқармалари ҳамкорлигида қўшма фармойиш ишлаб чиқилди. Бу ҳақда «Дарё»га вилоят прокуратураси мутасаддилари маълум қилди.
Назорат ва тарғибот тадбирлари жараёнида жорий йил 1 март ҳолатига 947 та ижро ҳужжати оилалар яраштирилганлиги, 270 та ҳолатда мавжуд қарздорликлар тўлиқ бартараф этилганлиги сабабли ижро ишлари тугатилган.
Жойларда ўтказилган 89 та бўш иш ўринлари меҳнат ярмаркаларида 1 629 нафар қарздор ишга жойлаштирилиб, алиментдан бўлган қарздорлик иш ҳақларига қаратилди.
12 534 та ижро ҳужжати бўйича 9,6 миллиард сўмлик алимент пуллари ундирилди ва 6 987 нафар вояга етмаганларнинг ҳуқуқлари тикланишига эришилди.
Изоҳ (0)