Термизда 2017 йил охирига қадар Республика ихтисослаштирилган урология маркази (РИУМ) филиали очилади. Бу ҳақда «Газета.uz» хабар бермоқда.
40 ўринга мўлжалланган марказ замонавий даволаш-диагностика ускуналари билан таъминланади. Унда, шунингдек, 10 та замонавий «Сунъий буйрак» қурилмалари билан жиҳозланган гемодиализ бўлими ҳам фаолият кўрсатади.
РИУМ директори Фарҳод Оқиловнинг сўзларига кўра, 2016 йилда марказда даволанган 27 минг беморнинг 2711 нафари ёки 10 фоизи Сурхондарё вилояти вакиллари бўлган. Уларнинг аксарияти касаллик кучайган вақтда РИУМга мурожаат қилган.
Статистикага кўра, иқлим шароитлари ва экологик вазият сабаб, Сурхондарё вилоятида истиқомат қилаётган аҳоли урологик касалликларга бошқалардан кўра кўпроқ чалинади. Бу ерда буйрак-тош хасталиклари билан касалланиш даражаси Ўзбекистон бўйича кўрсаткичлардан икки баробар юқори.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)