АҚШ Жанубий Кореяда THAAD ракетага қарши мудофаа тизимини жойлаштиришга киришди ва мазкур тизимнинг дастлабки қисмларини белгиланган манзилга етказди. Бу ҳақда Қўшма Штатларнинг Тинч океандаги қуролли кучлари қўмондонлиги маълум қилди, дея хабар беради «Газета.ru».
«Шимолий Кореянинг фитна қўзғашга қаратилган ҳаракатлари, жумладан, ракеталарнинг учирилиши Жанубий Кореяда THAAD тизимларини жойлаштириш ҳақидаги қароримиз вақтида қабул қилинганини билдиради», — дея таъкидлади Тинч океанидаги қуролли кучлар қўмондони адмирал Гарри Ҳаррис.
АҚШ қўмондонлиги THAAD тизимлари фақат мудофаа мақсадини кўзлаши ва бошқа давлатлар учун хавф туғдирмаслигини билдирмоқда. Улар атмосфера ва унинг ташқарисида кичик ҳамда ўрта масофага учувчи баллистик ракеталарни йўқ қилишга мўлжалланган.
Эслатиб ўтамиз, олдинроқ Хитой THAAD тизимлари ўрнатилишига жавобан сайёҳларнинг Жанубий Кореяга сафарларига чеклов ўрнатганлиги маълум қилинганди.
Изоҳ (0)