Сурия армияси ва иттифоқдош кўнгиллилар отрядлари ИШИД террорчилик ташкилотидан Алепподан шимоли-шарқда жойлашган еттита аҳоли пунктини тортиб олди, деб ёзади «Коммерсантъ». Бу ҳақда SANA агентлиги ҳарбий қўмондонлик вакилига таяниб хабар қилди.
Агентлик маълумотларига кўра, бунда гап Самия, Хирбет-Ашини, Сугхат-Салма, Таббара-Килш, Умм-Маяла, Абу-Ханая ва Рас-Дували қишлоқлари ҳақида бормоқда. Операция чоғида бир неча ўн нафар ёлланма аскарлар, шу жумладан, чет элликлар йўқ қилинган.
Аввалроқ Сурия армияси ИШИД жангариларидан Алеппо яқинидаги 29 та аҳоли пунктини озод қилган эди.
Изоҳ (0)