«Аҳрор аш-Шом» террорчилик ташкилоти жангарилари Суриянинг Идлиб вилоятида МиГ-21 ҳарбий самолётини уриб туширгани ҳақида ахборот берди.
«Ал-Масдар» нашри МиГ-21 техник носозлик сабаб Туркия ҳудудига қулагани эҳтимоли, учувчи турк маъмурияти назорати остида қолаётгани бўлиши мумкинлиги ҳақида хабар берган.
Айни вақтда, Reuters агентлиги Туркия ҳукуматидаги манбаларга асосланиб МиГ-23 ҳарбий самолёти қулагани ҳақида хабар берган. Катта эҳтимол билан, Сурия ҳарбий-ҳаво кучларига тегишли самолёт чегаранинг Сурия томонига тушган бўлиши мумкин.
Туркия бош вазири Бинали Йилдирим чегаранинг Туркия қисмига муваффақиятли тарзда қўнгани тахмин қилинаётган учувчи қидирилаётганини маълум қилди.
«Самолёт қулашига айнан нима сабаб бўлгани номаълум. Эҳтимол, самолёт об-ҳаво шароити сабаб қулагандир», — деди Туркия бош вазири.
Daily Sabah нашри хабарига кўра, самолёт Туркиянинг Хатай вилоятига қулаган. Қидирув гуруҳи самолётни топган, бироқ учувчи кабинаси бўш бўлган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)