Марин Ле Пен сохта иш ўринлари ҳақидаги иш бўйича судга чақирилди

Франциянинг «Миллий фронт»и етакчиси Марин Ле Пен судга чақирилди, унга Европарламент аъзолари ёрдамчиларини ёлғондан ишга ёллаш ҳақидаги иш бўйича айбловлар эълон қилиниши мумкин, деб ёзади «Коммерсантъ» AFP’га таяниб.

Reuters маълумотларига кўра, Ле Пен хоним президентлик кампанияси тугамагунича суд мажлисига бормоқчи эмаслигини маълум қилди. Марин Ле Пен ўз партияси каби, барча айбловларни рад этмоқда.

Ле Пен хонимни Европарламентдаги фаолияти чоғидаёқ Евроиттифоқдан қабул қилинган маблағларни сарф қилиб юборганликда гумон қилишмоқда. Ўшанда у, гўёки  Евроиттифоқ томонидан маош тўланадиган Европарламент аъзолари ёрдамчилари учун иш ўринларини яратган, аслида эса пул «Миллий фронт» аъзоларига тўланган.

Эслатиб ўтамиз, аввалроқ Европарламент депутатлари Франция «Миллий фронти» етакчиси Марин Ле Пенни депутатлик дахлсизлигидан маҳрум этиш учун овоз берганди.