ЎзМТРКнинг «Тошкент» телеканалида эфирга узатиладиган «Пойтахт йўлларида» кўрсатувида намойиш этилган видеолавҳа ижтимоий тармоқлар фойдаланувчилари томонидан кенг муҳокама қилинмоқда, дея хабар бермоқда «Darakchi.uz».
Видеода йўл-патруль хизмати (ЙПХ) ходимлари томонидан тўхтатилган автомашина ҳайдовчиси маст ва тегишли ҳужжатларсиз экани маълум бўлган. Ҳайдовчи ўз исмини айтишдан бош тортган.
Шунда Spark ичида ўтирган йўловчи аёллардан бири ЙПХ ходимини ҳақорат қила бошлаган. Видеолавҳада айтилишича, у ЙПХ ходимининг жетонини ҳам юлиб олган.
Видеода аёл бу ҳолатни инкор этаётган бўлса-да, ички ишлар бўлимига олиб борилганидан сўнггина ЙПХ ходимининг жетонини қайтариб бергани айтилади.
Мазкур видеоролик Facebook’даги «Водители Ташкента» гуруҳига жойланганидан сўнг кўплаб муҳокамаларга сабаб бўлди. Аксарият интернет фойдаланувчилари ЙПХ ходимига қўполлик қилиб, уни ҳақорат қилган йўловчини қораламоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)