Украина автобозорида Ravon компаниясининг R4 номи остидаги янги седани расман сотила бошлади, деб ёзади «Review.uz». Янги седан Chevrolet Cobalt негизига қурилган бўлиб, Украина бозорида икки хил модификацияда таклиф этилади.
Украина бозорида Ravon R4’нинг ҳам механик, ҳам автоматик узатиш қутисига эга версиялари сотилади. Биринчиси 106 от кучига тенг 1,5 литрли бензинли мотор ва беш поғонали «механика» билан жиҳозланган. Автоматик узатиш қутиси бўлган версияга эса олти диапазонли «автомат» ўрнатилган.
Механик узатиш қутисига эга Ravon R4 ҳар 100 км йўлга 8,4 литр, «автомат» эса — 10,4 литр ёқилғи сарфлайди.
Изоҳ (0)