Filadelfiyadagi yahudiylar qabristonida 100 ga yaqin qabrtoshlar ag‘darib tashlandi, ularning ba’zilari sinib ketdi, deb xabar bermoqda Meduza.
https://twitter.com/FarFarrAway/status/835940864262352897
Yahudiylar qabristonini qayta tiklash ishiga musulmonlar jamoasi ham yordam qo‘lini cho‘zdi. Faol Tariq al-Massidiyning aytishicha, u qabristonga kelgan vaqt, boshqa bir guruh musulmonlar qabrtoshlarni ko‘tarishga yordam berayotgan edi.
Tariq al-Massidiy bir hafta avval Sent-Luisdagi zarar yetkazilgan yahudiylar qabristonini qayta tiklash uchun xayriya pullarini to‘plash bilan shug‘ullangan edi. U keragidan ancha ortiq pul — 130 ming dollar to‘plashga muvaffaq bo‘lgan. Shunda Tariq pulning bir qismini Filadelfiyadagi qabristonning qayta tiklash uchun yo‘naltirishni taklif qilgan.
“Men barcha musulmonlarni yahudiy birodarlarimiz va opa-singillarimizga yordam qo‘lini cho‘zishga chaqiraman”, — deb yozdi al-Massidiy Facebook’dagi sahifasida.
Mavzuga doir: AQShda yahudiylar qabristoni tahqirlandi. Musulmon faollar bu qabristonni qayta tiklash uchun pul to‘pladi
Izoh (0)