Божхоначилар «Тошкент—Истанбул» рейси бўйича парвозга отланган Ш. Каримова ва унинг қизи Ш. Фазлиддинова томонидан 787 қути сигаретларнинг ноқонуний равишда олиб чиқишга уринишларини фош қилди. Бу ҳақда «Тошкент-Аэро» ИБК ахборот хизмати маълум қилди.
Божхоначиларнинг кўзини шамғалат қилиш мақсадида уддабурон қонунбузарлар сигаретларни «Хот ланч» ярим тайёр угра қадоқлари ичига яширган. Шунингдек, қишки кийимларнинг ички қисмига тикилган яширин чўнтакларга ҳам сигаретлар жойлаб чиқилган.
Йўловчи божхона декларациясида ва божхона ходимининг оғзаки сўрови пайтида маълум қилинмаган, хорижда пуллаш учун кўзланган мазкур тамаки маҳсулотларининг умумий қиймати 4 миллион сўмдан ошади.
Ҳозирда мазкур ҳолат юзасидан божхона текшируви ва суриштирув ҳаракатлари олиб борилмоқда.
Маълумот учун, 2016 йилда «Тошкент-Аэро» ихтисослаштирилган божхона комплекси ходимлари томонидан аниқланган 100 та божхона қоидабузарлиги натижасида қиймати 234 миллион сўмлик тамаки маҳсулотларининг ноқонуний олиб ўтилишига чек қўйилди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)