Наманган вилоятининг Наманган тумани ҳокими Шавкатжон Абдураззақов Вазирлар Маҳкамаси Қишлоқ ва сув хўжалиги, қишлоқ хўжалиги маҳсулотларини қайта ишлаш ҳамда истеъмол товарлари масалалари ахборот-таҳлил департаменти мудири этиб тайинланди. Бу ҳақда «Дарё» мобил мухбири хабар бермоқда.
2015 йилда туман ҳокими лавозимига тайинланган Шавкатжон Абдураззақов бунга қадар ҳам Вазирлар Маҳкамасида, Иқтисодиёт ва ташқи иқтисодий алоқалар масалалари йиғма ахборот-таҳлил департаменти ҳудудларни комплекс ривожлантириш шўъбасининг бош мутахассиси сифатида фаолият юритганди.
Эслатиб ўтамиз, олдинроқ Қишлоқ ва сув хўжалиги, қишлоқ хўжалиги маҳсулотларини қайта ишлаш ҳамда истеъмол товарлари масалалари ахборот-таҳлил департаментини бошқарган Улуғбек Узоқов Жиззах вилояти ҳокими этиб тайинлангани ҳақида хабар берилганди.
Изоҳ (0)