Сўнгги янгиликлар
    • USD 12212.07
    • RUB 127.16
    • EUR 12992.42
    Коинот

    Олимлар юлдуз атрофида 7 та сайёрани аниқлади, уларнинг 3 таси ҳаёт учун яроқли бўлиши мумкин

    6999

    Олимлар Далв юлдузлар туркумидаги TRAPPIST-1 якка юлдузида катталиги Ер билан тенг бўлган еттита сайёрадан иборат тизим мавжуд, деган хулосага келди. Бу ҳақда NASA матбуот анжуманида илмий директорат раҳбари Томас Цурбухэн маълум қилди, деб ёзади «ТАСС».

    Фото: NASA

    Фото: NASA

    Унинг сўзларига кўра, ушбу етти сайёрадан учтаси ҳаёт мавжуд бўлиши учун яроқли. Цурбухэн айтишича, ушбу кашфиёт ҳаёт учун яроқли бўлган яшаш муҳитини қидиришда муҳим қадамга айланиши мумкин.

    Бельгия университети олими Михаэль Жийон, ўз навбатида, учта сайёрада суюқ ҳолатдаги сув мавжуд бўлиши мумкинлигини айтди.

    Олимлар аниқлик киритишича, TRAPPIST-1’га энг яқин жойлашган учта сайёра ҳаёт мавжуд бўлиши учун ўта иссиқ, энг узоқ жойлашгани эса — ўта совуқ.

    Бунгача TRAPPIST-1 юлдуз тизимида фақат учта сайёра мавжуд деб ҳисоблашарди.