2017 йилнинг 17 февраль куни Тошкент шаҳар Олмазор тумани ИИБ ходимлари томонидан оғир жиноятнинг олдини олишга муваффақ бўлинди, дея хабар бермоқда Ўзбекистон ИИВ матбуот хизмати. Қуйида вазирлик хабарини тўлиқ эътиборингизга ҳавола қиламиз.
Шу куни соат 19:30 ларда мазур туманнинг Аллон кўчасида хизмат олиб бораётдан ички ишлар ходимлари йўл четида тўхтаб турган Matiz автомашинасидан ёрдам сўраб бақираётган аёл кишининг овозини эшитиб, автомашинанинг орқа ўриндиғида 25—30 ёшлардаги йигит, бир қизни зўрлаб номусига тегмоқчи бўлаётганининг гувоҳи бўлди. Қиз шўрлик қанча уринмасин ғараз ниятли шахснинг чангалидан чиқолмасди.«Дарё»нинг Telegram’даги расмий канали — @toshqindaryo’га аъзо бўлинг!Ички ишлар ходимлари қизга ёрдам беришга шошилишди. Аммо автомашина эшиклари ичкаридан берк эди. Тезкор ходимлардан бири амаллаб автомашинанинг орқа эшигини очганда, зўравон унга ўткир тиғли пичоқ билан ташланди. Ходим чап қўлининг ички қисми кесилиб, жароҳатланишига қарамасдан, эпчиллик билан жиноятчининг қўлини қайириб, уни қуролсизлантирди.
Ёвуз ниятли шахс ўз ғараз мақсадини амалга ошира олмади, у ички ишлар бошқармасига олиб келинди.
Кечки пайтда ишдан қайтаётган қизни қўрқитиб, ишонч қоғозисиз бошқариб юрган Matiz автомашинасига ўтқазиб, сўнг йўл четига тўхтаб унинг номусига тегмоқчи бўлган, 1988 йилда туғилган бу шахс, муқаддам Жиноят Кодексининг 277-моддаси 3-қисми билан судланиб, амнистия акти туфайли жазодан озод этилган экан. Аммо ўзига кўрсатилган инсонпарварликдан тегишли хулоса чиқармай, мазкур аянчли жиноятга қўл урган.
Унга нисбатан Жиноят кодексининг 25-, 118-моддаси 1-қисми ва 219-моддаси 1-қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)