20 февралнинг эътиборга молик янгиликлари — «Дарё»нинг кечки дайжестида.
1. Ўзбекистонда долларнинг сўмга нисбатан расмий курси қарийб 50 сўмга ошди. Сўнгги ҳафталар давомида долларнинг расмий курси ҳафтасига тахминан 15 сўмдан ўсиб бораётган эди.
2. «Душанбе—Тошкент» йўналиши бўйича биринчи мунтазам авиақатнов амалга ошмади. Somon Air авиакомпанияси амалга ошмаган рейс учун йўловчилардан узр сўраган.
3. «Озодлик»нинг Олотда бузилаётган уйлар ҳақидаги хабарига ўзбекистонлик видеоблогер жавоб қайтарди. Бундан аввалроқ Бухоро вилояти ҳокимлиги матн кўринишида жавоб қайтарган эди.
4. Саратовдаги ЙТҲда ҳалок бўлганлар орасида Ўзбекистон фуқаролари ҳам бор. Ҳодиса оқибатида жами олти киши ҳалок бўлгани айтилмоқда, улар орасида тожикистонликлар ҳам бор.
5. Тошкентда Латвиядан жўнатилган истеъмол муддати 3 йил аввал ўтиб кетган қарийб 6 тонналик «ширин контейнер» ушлаб қолинди. Ҳозирда мазкур ҳолат юзасидан божхона текширувлари ва суриштирув ҳаракатлари давом эттирилмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)