Актриса Эльмира Раҳимжонова «Эътироф» тақдимотида 2016 йилнинг энг яхши киноактрисаси деб топилди. Бу ҳақда журналист Феруз Муҳаммад маълум қилди. «Дарё» нашри тақдимотдан матнли онлайн уюштирди.
Эътиборли томони, журналист Феруз Муҳаммаднинг маълум қилишича, Эльмира Раҳимжонова 2016 йилда бирорта фильмда суратга тушмаган.
Эльмира Раҳимжонова қандай мезонлар асосида йил киноактрисаси деб топилганига ҳозирча аниқлик киритилгани йўқ.
Қайд этиш жоиз, актриса 2016 йил августида «Ўзбеккино» агентлиги ҳузурида ташкил этилган Киноактёр театр студиясининг «Тўмарис» спектаклида бош ролни ижро этган, шунингдек, режиссёр Аюб Шаҳобиддинов томонидан суратга олинган «Артист» ситкомида эпизодик ролни ўйнаган эди.
Маълумот учун, «Эътироф» тақдимотида «Барон» йилнинг энг яхши фильми, унинг режиссёри Рустам Саъдиев эса йил режиссёри деб топилди. Фильмда бош ролни ижро этган россиялик актёр Фарҳод Маҳмудов «Чет мамлакатлардаги энг яхши фильм актёри» номинацияси бўйича ғолибликни қўлга киритди.
Ўзбекистонда хизмат кўрсатган артист Фарҳод Абдуллаев йилнинг энг яхши киноактёри деб топилган бўлса, таниқли режиссёр Зулфиқор Мусоқов йилнинг энг яхши киносценаристи деб эълон қилинди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)