Ришод Собиров спортчилик карьерасига якун ясади, деб ёзди «Оламспорт». Дзюдо устаси фаолияти давомида Пекин, Лондон ва Рио Олимпиадаларининг бронза медалларини қўлга киритишга муваффақ бўлганди.
Спортчи, шунингдек, жаҳоннинг икки карра чемпиони ҳисобланади. У Осиёда ҳам тенгсиз бўлишга муваффақ бўлган, кўплаб халқаро мусобақаларда чемпионликни қўлга киритган.
Эндиликда Собиров бу тажрибасини мураббийлик соҳасида қўллайди ҳамда Ўзбекистон терма жамоасининг -60 ва -66 килограммда гиламга чиқадиган спортчиларига устозлик қилади. Боиси Собиров айнан шу вазн тоифаларида муваффақиятга эришган. Бошланишига у маслаҳатчи мураббий лавозимини эгаллайди.
Ришод Собиров бир эмас, икки вазн тоифасида Олимпиада совриндори бўлгани билан ажралиб туради. У Пекин—2008 ва Лондон—2012 да -60 килограмм вазнда гиламга чиққан ва бронза медалини қўлга киритган. Рио—2016 да эса 6 килограммга оғирлашиб, эски натижаларини такрорлаган.
Изоҳ (0)