Жиззах вилоятининг Шароф Рашидов тумани Учтепа қишлоғида янгиланган намунавий лойиҳалар асосида барпо этилган янги уйлар фойдаланишга топширилди. Бу ҳақда ЎзА хабар бермоқда.
Хабар беришларича, барпо этилган ҳар бири 16 хонадонли 2 та икки қаватли ва 10 хонадонга мўлжалланган 2, 3 хонали, 2 сотих томорқа ва ёрдамчи иншоотларига эга битта бир қаватли уйда 42 та оиланинг яшаши учун барча қулайлик яратилган.
Янги уйлар қишлоқ фуқаролар йиғини кенгаши тавсияси билан биринчи навбатда турар жойга эҳтиёжманд ёш оилаларга берилди. «Уйлар ёш оилаларга манзур бўлмоқда», — дейилади ЎзА ахборотида.
2017 йилда вилоятда янгиланган намунавий лойиҳалар бўйича 908 уй-жой қурилиши режалаштирилган. Шунингдек, Жиззах шаҳрида 210 хонадонга мўлжалланган 5 та 7 қаватли уй, 2 та «Камолот» уйи бунёд этилади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)