«Халқ саломатлиги: муаммо ва долзарб вазифалар» мавзусида бўлиб ўтган очиқ мулоқот доирасида хориждаги шифокорларни мамлакатга қайтариш масаласига Соғлиқни сақлаш вазири Адҳам Икромов тўхталиб ўтди.
2017 йил 5 январда соғлиқни сақлаш соҳаси етакчи мутахассислари билан бўлиб ўтган учрашувда Республика Президенти Шавкат Мирзиёев берган топшириққа асосан, бугунги кунгача Республика Соғлиқни сақлаш вазирлиги томонидан бир нечта хориждаги тажрибали шифокорлар билан уларни мамлакатга қайтариш юзасидан музокаралар олиб борилди.
Соғлиқни сақлаш вазирининг таъкидашича, Норвегия, Дания, Кувайт ва Россияда фаолият олиб борувчи кардиожарроҳлик, нейрожарроҳлик, ортопедия, травматология ва жигар жарроҳлиги бўйича мутахассислар билан мулоқот олиб борилган. Улардан 10–15 нафар тажрибали шифокорлар жорий йилда мамлакатга қайтишга розилик билдирди.
Хориждан қайтиб келадиган шифокорларни қўллаб-қувватлаш мақсадида уларни уй-жой ва муносиб маош билан таъминлаш масалалари кўзда тутилган.
Шунингдек, Соғлиқни сақлаш вазирлиги Олий ва ўрта-махсус таълим вазирлиги билан биргаликда тиббиёт соҳасидаги хорижий олий таълим муассасаларининг дипломларини тан олиш (нострификация) масалаларини кўриб чиқилишини таъкидлади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)