2017 йил 8 февралда «Халқ саломатлиги: муаммо ва долзарб вазифалар» мавзусида Электрон оммавий ахборот воситалари миллий ассоциациясида бўлиб ўтган очиқ мулоқот давомида журналистлар томонидан туғуруқхоналарда янги чақалоқ туғилганда шифокорларга бериладиган «суюнчи пули» ҳақида берилган саволларга Соғлиқни сақлаш вазири Адҳам Икромов жавоб берди.
Вазир ўз жавобида масаланинг икки томонига эътибор қаратди.
Биринчидан, янги туғилган фарзанднинг ота-онаси миннатдорчилик билдириш учун берадиган суюнчини шифокорга эмас, меҳр-мурувват уйларига берса, яхшироқ бўлиши таъкидланди.
Иккинчидан, туғуруқхоналарда ишлаётган шифокорлар ва ходимларниннг иш ҳақи керакли даражага кўтарилиши зарурияти мавжудлиги айтиб ўтилди.
Бу тиббиёт соҳасини танлаган инсоннинг виждони ва қалбига боғлиқ. Давлатимизда йилига 700 мингдан зиёд туғруқ бўлади. Мен ўйлайманки, инсоннинг дунёга келишини ҳеч қайси давлатда ва динда пул билан боғлаб бўлмайди. Бу нарса кафолатланган ва бепул бўлиши керак. Шу йўналишда Соғлиқни сақлаш вазирлиги, Молия вазирлиги, бошқа вазирликларнинг ва жамоатчилик билан биргаликдаги иши туғруқ муассасаларида ишлайдиган тиббиёт ходимларининг мотивация механизмини ривожлантириш лозим. Бу мотивация механизми уларнинг ойлик маоши. Уларнинг ойлик маоши пуллик хизмат кўрсатадиган соҳалардагига нисбатан 2 – 3 баравар юқори бўлиши керак. Мен ўйлайманки, шунда яқин ойлар ичида ўзгаришлар қилса бўлади. Биз ўйлаймизки, бу маблағларни иқтисодиётнинг бошқа томонларидан туғруқхоналарга йўналтириш ўринли бўлади.Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.Адҳам Икромов, Ўзбекистон Республикаси Бош вазири ўринбосари, Соғлиқни сақлаш вазири
Изоҳ (0)