Номаълум самолёт бортида АҚШ президенти Дональд Трамп бўлган Boeing 747’га рухсат этилганидан кўра яқинроқ масофада учиб ўтди, деб ёзади ABC ўз манбаларига таяниб.
Телеканал маълумотларига кўра, ҳодиса 3 февраль куни Палм-Бич (Флорида штати) осмонида юз берган. Ўша куни Трамп дам олиш кунладини ўтказиш учун ўзининг Мар-а-Лаго қароргоҳига жўнаб кетган эди. Манбалардан бири экипажлар ўртасидаги «визуал алоқа» ҳақида айтган. Яна бири эса самолётлар параллель тарзда учгани, улар ўртасидаги масофа белгиланган уч денгиз мили (5,6 км)дан камроқни ташкил этганини таъкидлади. Аммо иккала борт учувчилари ҳам ҳаво қатнови бошқаруви билан доимий алоқада бўлиб турган ва тўқнашув хавфи юзага келмаган.
Айни пайтда масъул органлар йўл қўйилмаган даражада яқин келиш сабабларини аниқлаштирмоқда, диспетчер ва учувчилар сўроқ қилиниши мумкин.
Изоҳ (0)