АҚШда, мамлакат фикрича, 2001 йил 11 сентябрдаги терактларнинг бош ташкилотчиси бўлган Холид Шайх Муҳаммаднинг 18 саҳифали мактубини қисман эълон қилишди, деб ёзади «РИА Новости». Хат мамлакат собиқ президенти Барак Обамага қаратилган.
Мактубда Муҳаммад Вашингтоннинг «бутун дунё бўйлаб бегуноҳ кишиларни ўлдирган» ташқи сиёсати туфайли, 9/11 терактларига ўзи айбдор эканлигини таъкидлаган. 11 сентябрь воқеаларини изоҳлар экан, Муҳаммад терактлар куни «сизга қарши уруш бошлаган биз эмасмиз», деб ёзади. Унинг ишонтиришича, буни «ўзингиз ва бизнинг мамлакатдаги диктаторларингиз» қилган.
Муҳаммад ўз хатида Обамага «илоннинг боши» ва «жабр-зулм мамлакати» президенти сифатида мурожаат қилади. Ошкор этилган мактуб 2015 йил январида ёзилган. Аммо дастлаб Гуантанамодаги қамоқхона назоратчилари Муҳаммаднинг хатини юборишдан бош тортган. Ўша йилнинг сентябрида маҳбуснинг адвокати айбланувчи президентга мурожаат қилиш ҳуқуқига эга эканлигини таъкидлаб, судьядан бу ишга аралашишни сўраган. Натижада ҳарбий суд бунга рози бўлди.
Мактубда эркак на ўлим жазосидан, на бир умрлик қамоқдан қўрқишини қайд этган ва ҳеч қачон афв сўрамаслигини айтган.
Кувайтда туғилган Муҳаммад хатда, шунингдек, АҚШнинг «Ироқ ва Эрондан Вьетнам ва Хиросимагача бўлган» аралашувларини санаб ўтади.
Изоҳ (0)