Афғонистоннинг Жузжон вилоятида Қизил Хочнинг 6 нафар ходими ИШИДга мансублиги тахмин қилинаётган жангари ҳужуми қурбони бўлди. Бу ҳақда вилоят губернатори Лутфуллоҳ Азизий маълум қилди, деб хабар беради «РБК».
Мансабдор сўзларига кўра, Қизил Хоч ходимлари вилоятнинг табиий офатдан жабр кўрган ҳудудларига гуманитар ёрдам етказиш билан шуғулланган.
Халқаро ташкилотнинг яна икки нафар ходими гаровга олинган, ҳозирда полиция уларни қидирмоқда.
Қизил Хоч Twitter’даги саҳифасида ходимларининг ўлдирилгани ва ўғирлаб кетилганини тасдиқлади.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)