Ўзбекистон Ёзувчилар уюшмасида Алишер Навоийнинг «Хазойин ул-маоний» асарининг рус тилига, Ойбекнинг «Навоий» романининг инглиз тилига таржима қилиниб, нашрдан чиқарилган китоблари тақдимоти бўлиб ўтди. Бу ҳақда ЎзА хабар бермоқда.
Ўзбекистон Ёзувчилар уюшмаси ва «Ижод» жамоат фонди томонидан Алишер Навоийнинг «Хазойин ул-маоний» асарини жаҳоннинг 14 тилида нашр этиш лойиҳаси ишлаб чиқилган.
Ушбу лойиҳа доирасида «Хазойин ул-маоний» илк бор рус тилида «Сокровищница мысли» деб номланган тўплам ҳолида нашр этилди. Ушбу тўплам филология фанлари номзоди К.Панченко томонидан тузилди.
Атоқли адиб Мусо Тошмуҳаммад ўғли Ойбекнинг «Навоий» романида Алишер Навоий ҳаёти ва ижод йўли, ўша даврдаги ижтимоий ҳаёт ва мураккаб сиёсий воқеалар ўзига хос усулда акс эттирилган.
Уюшма томонидан ушбу асарни бошқа хорижий тилларга таржима қилишга алоҳида эътибор қаратилмоқда. «Навоий» романи И.Тўхтасинов ва О.Мўминов томонидан инглиз тилига таржима қилинган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)