Ўзбекистон Президенти Шавкат Мирзиёев 20—21 январь кунлари Қорақалпоғистон Республикасида бўлди. ЎзА хабарига кўра, Шавкат Мирзиёев Ибройим Юсупов номидаги иқтидорли болалар мактаби қурилиш участкасига ташриф буюрди.
Ўзбекисон Президенти мактаб лойиҳасини такомиллаштириш, хусусан, бино олдида майдон барпо этиш ва бу ерда Ўзбекистон ва Қорақалпоғистон халқ шоири, Ўзбекистон Қаҳрамони Ибройим Юсупов ҳайкалини ўрнатиш бўйича кўрсатмалар берди.
Мактаб базасида кичик босмахона ташкил этиб, турли адабиётларни таржима қилиб, чоп этиш лозимлиги таъкидланди.
Маълумот учун, 1929—2008 йилларда яшаб, ижод қилган Ибройим Юсупов ХХ аср иккинчи ярми — XXI аср бошларидаги қорақалпоқ адабиёти тарихида ёрқин саҳифани ташкил қилади. У 2004 йили Ўзбекистон Биринчи Президенти Ислом Каримовнинг фармони билан «Ўзбекистон Қаҳрамони» унвони билан тақдирланган.Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)