Ўзбекистон Президенти Шавкат Мирзиёев Алишер Навоий номидаги Ўзбекистон Миллий боғидаги Шоирлар хиёбонида бир гуруҳ адиблар билан учрашди, дея хабар бермоқда ЎзА.
Учрашувда бу масканни янада обод қилиш, одамларнинг, айниқса, ёшларнинг маънавиятини юксалтириш, уларни китобга ошно қилиш, ўзбекистонлик машҳур адиблар ҳаёти ва ижоди билан яқиндан таништириш мақсадида уларни бу даргоҳга мунтазам равишда жалб этиш ҳақида сўз борди.
«Биринчи Президентимиз таъкидлаганидек, Алишер Навоий асарлари ўзбек адабий тили ва миллий адабиётимиз ривожининг асосини белгилаб берибгина қолмай, халқимиз маънавий оламининг шаклланишида ҳам муҳим аҳамият касб этади. Ҳазрат Навоий меросини ўрганиш ҳар бир инсонни илҳомлантириб, ақлини теран, фикрини тиниқлаштиради, тафаккурини юксалтиради», — дейилади ЎзА ахборотида.
Ўзбекистондаги барча маданий муассасаларда шеърхонлик кечалари ўтказиш, ёшларнинг бундай учрашувларда фаол иштирокини таъминлаш мақсадга мувофиқ эканлиги қайд этилди.
Шоирлар хиёбони шундай маскан бўлиши керакки, шоирларимизнинг шеърлари бу ерда мунтазам жаранглаб туриши зарур... Шеъриятга ошно бўлган инсон асло кам бўлмайди.«Учрашувда шоир ва ёзувчилар ижод аҳлига, китоб мутолаасига қаратилаётган юксак эътибор учун Президентимизга миннатдорлик билдирди», — деб қўшимча қилинган ЎзА ахборотида.Шавкат Мирзиёев, Ўзбекистон Президенти
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)