«Наманган китоб олами» мажмуида Россиянинг «Дрофа-Вентана» нашриёти томонидан ўтказилган «Страна читаюшая» халқаро танлови иштирокчилари — наманганлик ҳайдовчиларни тақдирлаш маросими бўлиб ўтди. Бу ҳақда «Дарё»га тадбир мутасаддилари маълум қилди.
Ижтимоий тармоқдаги «Водители Намангана» гуруҳи аъзолари томонидан Михаил Лермонтовнинг «Бородино» шеъри ўқилгани акс этган видеолавҳа танлов ташкилотчилари эътиборига лойиқ бўлди.
«Русский мир» телеканали муҳаррири Ирина Гуряновадан ҳайдовчиларни танловда иштирок этишга қизиқтирган Наманган саноат коллежи ўқитувчиси Азиза Мирзаназарова номига мактуб келди ва унда гуруҳ аъзоларига ташаккур билдирилган.
Тадбир якунида «Водители Намангана» гуруҳи аъзоларини Москвадан юборилган дипломлар билан тақдирлаш маросими бўлиб ўтди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)