Америкалик ёзувчи Марк Твеннинг ҳанузгача нашр этилмаган «Шаҳзода Олеомаргариннинг ўғирланиши» («The Purloining of Prince Oleomargarine») номли эртаги 2017 йилда Doubleday нашриёти томонидан алоҳида китоб шаклида чоп этилади. Бу ҳақда The Guardian нашрига таяниб, «Афиша Daily» хабар берди.
Эртак Марк Твен томонидан 1879 йилда Парижда ёзилган. Эртакда ҳайвонлар билан гаплаша оладиган бола ҳақида ҳикоя қилинади. Бола бир нечта ҳайвонлар билан биргаликда ўғирлаб кетилган шаҳзода Олеомаргаринни излаб йўлга чиқади. Эртакда меҳр-шафқат, болалик ва жасурлик мавзулари ёритилади.
«Шаҳзода Олеомаргариннинг ўғирланиши» 2011 йилда Калифорниянинг Беркли Университетидаги ёзувчининг архивидан 16 саҳифали қўлёзма шаклида топилган. Қўлёзма эр-хотин безак усталари Филип ва Эрин Стед томонидан безатилган. Бу Твен томонидан ўз қизлари учун яратилган ягона қўлёзма эртак ҳисобланади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)