Apple БААда батареялардаги носозлик сабаб салкам 90 минг iPhone’ни чақириб олади

Apple Бирлашган Араб Амирликларида батареялардаги носозликлар сабабли 88 700 та iPhone 6s смартфонини чақириб олади. Бу ҳақда UAE Inside хабар берди.

Қайтариб олиш бўйича кампания БАА иқтисодиёт вазирлиги кўрсатмасига асосан, Apple билан ҳамкорликда ўтказилмоқда.

Маълум бўлишича, 2015 йил сентябридан октябрига қадар чиқарилган смартфонлар туркуми уларнинг тўсатдан ўчиб қолишга олиб келадиган батареялардаги носозликларга эга экан.

Мазкур смартфонлар ҳеч қандай хавф туғдирмайди, уларни қайтариб олиш йўл қўйилган хатолар ҳақида маълумот тўплаш ва носоз қисмларни алмаштириш учун амалга оширилмоқда.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.