Хитойлик шифокор маҳаллий Янги йилни нишонлаш учун келган, пулсиз ва адашиб қолган россиялик жуфтлик меҳмонхонада истиқомат қилиши ҳақини тўлаб берди. Бу ҳақда «РИА Новости» хабар бермоқда.
Ҳодиса Сичуань провинциясининг Ибинь шаҳрида юз берди. Россиялик ёш жуфтлик маҳаллий касалхоналардан бирининг шошилинч ёрдам бўлимига кириб келиб, у ердаги койкалардан бирини эгаллаб олди. Улар хитойча гаплашишни билмагани учун мақсадларини тушуниб бўлмади. Ходимлар полицияни чақирди, бироқ улар ҳам жуфтлик ташрифидан мақсадни англолмади ва хавф туғдирмасликларига ишонч ҳосил қилиб, ортига қайтди.
Шундан сўнг касалхона шифокори Ван Лисинь инглиз тилини биладиган куёвини ёрдамга чақирди. Суҳбат чоғида россиялик жуфтлик Хитой бўйлаб саёҳат қилаётгани ва Сичуань провинциясидаги Чэнду шаҳридан Юньнань провинциясидаги Куньмин шаҳрига йўл олгани маълум бўлди. Бироқ улар автобусларини адаштириб қўйиб, Ибинь шаҳрига келиб қолган, пуллари эса тугаган.
Шифокор россияликларни меҳмонхоналардан бирига олиб борди ва уларга 500 юан (тахминан 75 доллар) эвазига хона олиб берди. Ёшлар у билан эсдалик учун суратга тушди ва эртасига Ибинни тарк этди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)