Косметолог ва шифокорлар алоэни бактерияга қарши курашувчи ва намловчи хусусиятлари учун қадрлашади. Бу мақолада биз алоэнинг хусусиятлари ва уй шароитида ундан фойдаланиш йўллари тўғрисида айтмоқчимиз.
Алоэ косметика воситаларида
Уни кўпчилик косметик воситалар таркибида учратиш мумкин. Дерматологлар айтишича, таркибида алоэ бўлган воситалар – ҳуснбузар ва тошмаларнинг давоси ҳисобланади.
Мутахассислар маслаҳати
Чет эл мутахассислари фикрича, тери ва сочлар учун алоэдан бошқа ҳеч қандай воситалар керак бўлмайди.
Алоэдан юз ва сочлар учун ниқоб тайёрлаш
Юз учун ёшартирувчи ниқоб:
1 ч. қ. озиқлантирувчи крем + 1 ч. қ. ўсимлик ёғи + 1 ч. қ. алоэ шарбати. 10 дақиқадан сўнг пахта диски ёрдамида артиб олинади.
Қазғоққа қарши ниқоб:
1 ч.қ. алоэ шарбати + 1 ош қ. лимон шарбати + 1 та тухум сариғи. Соч илдизига сурилади ва сочиқ билан ўраб қўйилади. 30 дақиқадан сўнг илиқ сувда ювилади. Даволаш курси – 4—6 марта ҳар 3 кунда.
Ўсимлик шарбати қандай олинади?
Алоэ барглари 12 кун давомида совитгичда сақланади. Майдаланади ва сиқиб суви ажратилади. Тайёр бўлган суюқлик идиши сувга солинади ва 3 дақиқа сув буғида қайнатилади.
Ўсимликнинг соғлиққа фойдаси
Алоэ шарбатининг таркиби бета-каротин, кислоталар (лимон, олма, гиалурон), минераллар (фосфор, кальций, калий, рух, хром, мис), углеводлар (глюкоза, фруктоза, целлюлоза), эфир ёғлари, C, E, Bгуруҳ витаминларидан ташкил топган.
Шунингдек, тиббиётда бу ўсимликдан ўт ҳайдовчи, ични бўшаштирувчи, дармон киритувчи ва яраларни тез тузатувчи восита сифатида ҳам қўлланилади.
Таркибида алоэ бўлган кўз томчилари конъюнктивит, блефарит, миопия, кератит касалликларида самарали ёрдам беради. Оғиз бўшлиғи яллиғланиш касаликларида эса оғизни чайқаш тавсия қилинади.
Изоҳ (0)