Kosmetolog va shifokorlar aloeni bakteriyaga qarshi kurashuvchi va namlovchi xususiyatlari uchun qadrlashadi. Bu maqolada biz aloening xususiyatlari va uy sharoitida undan foydalanish yo‘llari to‘g‘risida aytmoqchimiz.
Aloe kosmetika vositalarida
Uni ko‘pchilik kosmetik vositalar tarkibida uchratish mumkin. Dermatologlar aytishicha, tarkibida aloe bo‘lgan vositalar – husnbuzar va toshmalarning davosi hisoblanadi.
Mutaxassislar maslahati
Chet el mutaxassislari fikricha, teri va sochlar uchun aloedan boshqa hech qanday vositalar kerak bo‘lmaydi.
Aloedan yuz va sochlar uchun niqob tayyorlash
Yuz uchun yoshartiruvchi niqob:
1 ch. q. oziqlantiruvchi krem + 1 ch. q. o‘simlik yog‘i + 1 ch. q. aloe sharbati. 10 daqiqadan so‘ng paxta diski yordamida artib olinadi.
Qazg‘oqqa qarshi niqob:
1 ch.q. aloe sharbati + 1 osh q. limon sharbati + 1 ta tuxum sarig‘i. Soch ildiziga suriladi va sochiq bilan o‘rab qo‘yiladi. 30 daqiqadan so‘ng iliq suvda yuviladi. Davolash kursi – 4—6 marta har 3 kunda.
O‘simlik sharbati qanday olinadi?
Aloe barglari 12 kun davomida sovitgichda saqlanadi. Maydalanadi va siqib suvi ajratiladi. Tayyor bo‘lgan suyuqlik idishi suvga solinadi va 3 daqiqa suv bug‘ida qaynatiladi.
O‘simlikning sog‘liqqa foydasi
Aloe sharbatining tarkibi beta-karotin, kislotalar (limon, olma, gialuron), minerallar (fosfor, kalsiy, kaliy, rux, xrom, mis), uglevodlar (glyukoza, fruktoza, sellyuloza), efir yog‘lari, C, E, B guruh vitaminlaridan tashkil topgan.
Shuningdek, tibbiyotda bu o‘simlikdan o‘t haydovchi, ichni bo‘shashtiruvchi, darmon kirituvchi va yaralarni tez tuzatuvchi vosita sifatida ham qo‘llaniladi.
Tarkibida aloe bo‘lgan ko‘z tomchilari kon’yunktivit, blefarit, miopiya, keratit kasalliklarida samarali yordam beradi. Og‘iz bo‘shlig‘i yallig‘lanish kasaliklarida esa og‘izni chayqash tavsiya qilinadi.
Izoh (0)