Аргентина ҳукумати мамлакат бюджети танқислигини қисқартириш чоралари доирасида аҳоли учун электр энергияси тарифларини кескин оширмоқда. Бу ҳақда «Интерфакс» хабар берди.
Март ойи охирига бориб пойтахт Буэнос-Айрес ва унинг атрофидаги шаҳарлар аҳолиси учун электр энергияси тарифлари 61 дан 148 фоизгача оширилади. Мамлакат расмийлари саноат корхоналари учун ҳам тарифларни кўтаришни режалаштирмоқда.
Аргентина энергетика вазири Хуан Хосе Арангурен электр тақсимловчи компаниялар жорий йил ноябрь ва келгуси йил февраль ойларида нархларни яна кўтариши мумкинлигини маълум қилди. Мансабдор сўзларига кўра, тарифлар оширилиши мамлакат ҳукуматига бюджет танқислиги кўрсаткичини ялпи ички маҳсулотнинг 4,2 фоизи атрофида бўлишини таъминлашга имкон беради.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)