Ўзбекистон халқ артисти Шерали Жўраев «Даракчи» нашрига берган интервьюсида Ўзбекистон Биринчи Президенти Ислом Каримовни хотирлади. Интервью матни «Darakchi.uz»да эълон қилинган.
Шерали Жўраев интервью давомида Ўзбекистоннинг Биринчи Президенти билан кўп маротаба ҳамсуҳбат бўлганини сўзлаб берди.
Юртбошимизнинг вафоти барчамиз учун оғир мусибат бўлди. Чунки ул зот мустақил Ўзбекистон давлатининг асосчиси эди. Юртимизни истибдоддан халос этиб, оёққа туришини таъминлади. Мен у киши билан кўп маротаба ҳамсуҳбат бўлганман. Кўп сафарларга бирга чиққанмиз. Айниқса, марҳум Юртбошимиз билан Маккаи Мукаррамада, муборак Каъбатуллоҳнинг ичига кирганимиз асло эсимдан чиқмайди.Шерали Жўраев, Ўзбекистон халқ артисти
Санъаткорнинг сўзларига кўра, Ўзбекистон Биринчи Президенти «бутун ҳаётини шу халқ, Ватан учун бахшида қилди».
У кишининг жуда кўп хислатлари, фазилатларига гувоҳ бўлганман. Инсоннинг қандайлигини бир қарашда билардилар. Ҳамиша узоқни кўзлаб, ақл-заковат билан иш тутдилар. Жойлари жаннатда бўлсин.Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.Шерали Жўраев, Ўзбекистон халқ артисти
Изоҳ (0)