Тошкент давлат иқтисодиёт университетининг жорий ўқув йили битирувчилари учун ташкил этилган анъанавий «Карьера куни» ахборот таништирув тадбирида 200 дан ортиқ ташкилот, жумладан, Иқтисодиёт ва Молия вазирликлари, Марказий ва тижорат банклари, Савдо-саноат палатаси, қатор йирик корхона ва ташкилотлар, муассасалар, фирмалар мингдан ошиқ бўш иш ўрнини таклиф этди. Бу ҳақда «Дарё»га олий ўқув юрти мутасаддилари маълум қилди.
Тадбир доирасида бўш иш ўринлари бўйича ўз таклифлари билан иштирок этаётган муассаса ва ташкилотларга битирувчи талабалар тўғрисида маълумотлар берилди. Замонавий усулда билим ва малака тақдимотлари уюштирилди ҳамда улар билан таклиф этилган вазирликлар, идора ва ташкилотлар вакиллари ўртасида мулоқотлар олиб борилди.
«Карьера куни» якунида ишга жойлаштириш бўйича университет билан шартномалар имзоланди ва 484 нафар битирувчи ўзи эгаллаган мутахассислигига мос иш ўринларига эга бўлди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)