Фаластин президентининг стретегик масалалар бўйича маслаҳатчиси Ҳусам Зомлот унинг мамлакати АҚШ собиқ президенти Барак Обамадан 221 миллион доллар ҳажмида транш қабул қилганини айтди, деб ёзади «Газета.ru».
«Обама маъмурияти белгилаган сўнгги суммани аллақачон олдик. Улар бу пулларни кўчириб берди», — деди сиёсатчи.
Зомлот маблағларни ажратиш ҳақидаги қарор Вашингтонда бир неча ҳафта илгари қабул қилинганини таъкидлади.
«Умид қиламизки, Трамп ўзидан олдинги президентларнинг бу борадаги сиёсатини давом эттиради», — деди Фаластин етакчиси Маҳмуд Аббоснинг маслаҳатчиси.
Аввалроқ Трамп Фаластин мухториятига 221 миллион доллар ўтказилишини музлатиб қўйгани, АҚШ вакиллари эса Фаластин бош вазири Рами Ҳамдуллога маблағлар «яқин келажакда кўчириб берила олмаслиги»ни маълум қилгани ҳақида хабар берилган эди.
Изоҳ (0)