Жанубий Корея президенти ўзига нисбатан илгари сурилган коррупция айбловларини рад этди

Жанубий Корея президенти Пак Кин Хе «Чон Гю Чжэ ТВ» интернет-телеканалига берган интервьюсида ўзига нисбатан илгари сурилаётган коррупциядаги айбловларни рад этди. Бу ҳақда «ТАСС» хабар бермоқда.

«Бугунги вазият кишини тушкунликка соладиган кўп сонли уйдирмалар натижасида юзага келди. Менга нисбатан билдирилаётган айбловларда маъни йўқ, буларнинг барчаси улкан ёлғон», — дея таъкидлади Пак Кин Хе.

Шу билан бирга, парламент томонидан лавозимидан четлатилган президент вазиятнинг бундай тус олишига ўзи йўл қўйган хатолар ҳам сабаб бўлганини тан олди.

Жанубий Корея мухолифати Пак Кин Хенинг бу интервьюсини кескин танқид қилди ва буни «ОАВ билан шармандали ўйнашиш» деб атади.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.