Россиянинг Сурия Конституцияси лойиҳаси мамлакат ҳудудида курд мухториятини яратиш ҳақидаги бандни ўз ичига олади. Бу ҳақда «Интерфакс»га ҳужжат лойиҳасидан хабардор бўлган Сурия мухолифати вакили маълум қилди, деб ёзади Meduza.
Мухторият ҳудудида курдлар ўз тилини асосий тил деб эълон қилиш имкониятига эга бўлади. Шу билан бирга, мамлакат номидан «араб» сўзини олиб ташлаб, «Сурия Республикаси»ни қолдириш таклиф этилди.
Асосий қонундан, шунингдек, шариат қонунлари устунлиги тўғрисидаги низомни олиб ташлаш таклиф қилинмоқда. Бундан ташқари, Россия президентнинг етти йиллик муддатга қайта сайланиш ҳуқуқини бекор қилишни, шунингдек, Конституциядан давлат раҳбари мусулмон бўлиши кераклиги ҳақидаги бандни олиб ташлашни таклиф қилди.
Россиянинг Сурия Конституциясига киритиладиган тузатишлар ҳақидаги таклифи Остонадаги музокаралар якунида қуролли мухолифат вакилларига берилган эди.
Изоҳ (0)