Бар, водопровод ва 4K-телевизор: Блогер икки ой ичида кичик бир ҳужрани тўлақонли уйга айлантирди

007craft тахаллусли америкалик блогер икки ойда омбордаги кичкина ҳужрани сув таъминоти, мини-барга эга ва каравоти бор тўлақонли хонага айлантирди. Блогер бу ҳақдаги роликни Reddit’да эълон қилган.

Блогернинг айтишича, у «Тинч океани тизмаси» йўналишидаги саёҳатдан қайтганидан сўнг уйсиз қолган. Дастлаб у ўзининг Honda Civic автомобилини турар жойга айлантирмоқчи бўлган, бироқ автомобиль салони бу мақсад учун торлик қилган.

Шунда блогер U-Haul компаниясига тегишли омбордан 3×3×1,8 метр катталикдаги хонани ижарага олишга қарор қилган.

У жойдан имкони борича унумли фойдаланишга ҳаракат қилган: эшикнинг орқа томонига кўзгуни жойлаштирган, деворларга токчалар, шунингдек, сув таъминоти тизими ва кичик газ плитаси ҳам ўрнатган.

Хонада кроват, мини-бар, кийим жавони ва 4K-телевизор ҳам бор. Shiftда оёқ кийимлар ва видео-ўйинлар сақланади.

Reddit фойдаланувчилариининг унинг қаерда душ қабул қилиши ҳақидаги саволларига жавобан блогер одатда спортзалда, машғулотлардан сўнг душ қабул қилишини айтган.

Блогернинг сўзларига кўра, у бу ишларнинг барчасига тахминан 100 доллар сарфлаган. Ҳужранинг ижара нархи ойига 205 долларни ташкил этади.

Унинг таъкидлашича, бу тежамкорлик учун аъло даражадаги имконият, чунки бу ҳудуддаги турар жойларнинг ижара ҳақи минг доллардан бошланади.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.