Буюк Британия Олий суди ҳукуматга мамлакатнинг Европа Иттифоқидан чиқиши масаласида музокараларни бошлаш учун парламент маъқуллашини олиш мажбуриятини юклади ва унинг бу борадаги апелляциясини рад этди, деб хабар беради «ТАСС».
Олий суд қарорига кўра, ҳукумат Евроиттифоқ тўғрисидаги Лиссабон шартномасининг 50-моддасини кўриб чиқишни унга шундай ваколат берадиган парламент қарорисиз бошлай олмайди.
Ҳукмни ўқиб эшиттирган суд раиси Дэвид Нойбергернинг таъкидлашича, ҳукумат халқаро шартномалардан чиқиши мумкин, бироқ гап мамлакат қонунларининг ўзгариши ҳақида кетса, парламент маъқуллашисиз буни амалга ошира олмайди.
Суднинг қарорини 11 нафар судьядан саккиз нафари ёқлади, уч нафари эса қарши чиқди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)