Samsung Electronics смартфонларни Note бренди остида ишлаб чиқаришни давом эттиришга қарор қилди, деб «Vc.ru» нашри хабар берди. Бу ҳақда Samsung Electronics компанияси Mobile Communication бўлими раҳбари Донжин Кох Cnet нашрига берган интервьюсида маълум қилган.
Note брендининг Note7 модели қурилмаларининг ўз-ўзидан ёниб кетиши ҳодисаларидан сўнг савдодан қайтариб олинган эди.
Биз яхшироқ, нисбатан хавфсиз ва инновацион Note 8 ни ишлаб чиқарамиз.У компания Note 7 билан боғлиқ муаммоларга қарамасдан, ушбу турдаги смартфонлар ишқибозларининг фаоллиги сабабли брендни сақлаб қолишга қарор қилганини таъкидлаб ўтган.Донжин Кох, Samsung Electronics компанияси Mobile Communication бўлими раҳбари
Samsung Galaxy Note 7 смартфонлари 2016 йилнинг август ойида савдога чиқарилган, бироқ бир неча ҳафтадан сўнг компания қурилмаларнинг ўз-ўзидан ёниб кетаётганлиги ҳақидаги хабарлар туфайли Note 7 смартфонларини савдодан қайтариб олишга мажбур бўлган эди. Аммо смартфонлар алмаштириб берилганидан кейин ҳам фойдаланувчилар қурилмаларнинг ёниб кетишидан шикоят қилишда давом этди. Шу туфайли компания қурилмаларни савдодан бутунлай олиб ташлашини эълон қилди ва уларни ишлаб чиқаришни тўхтатди.
23 январь куни Samsung Electronics Note 7 билан боғлиқ ҳодисаларни ўрганиб чиқиш тугатилганлигини эълон қилди. Компаниянинг хулосасига кўра, смартфонларда иккита фирмада ишлаб чиқарилган батареялар ишлатилган, қурилмаларнинг ёниб кетиши биринчи фирмада ишлаб чиқарилган батареяларни лойиҳалаштириш билан боғлиқ муаммолар ва иккинчи фирма томонидан ишлаб чиқарилган батареяларнинг оммавий яроқсизлиги сабабли юзага келган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)