Таиланднинг Thairath газетаси марҳум қирол Пумипон Адульядетга бағишлаб, ҳар бир саҳифасида тўлдирилган реаллик технологияси қўлланилган газета сонини чиқарди, деб ёзади TJournal.
32 бетли газета сони уч миллион нусхада чиқарилган. У мамлакатни 1946 йилдан буён бошқариб келган марҳум қирол Пумипон Адульядетга бағишланган.
Газета таҳририяти махсус сонни уч ой давомида Таиланддаги учта IT-компания билан ҳамкорликда тайёрлади. Расм ва фотосуратлар Thairath AP бепул дастури ёрдамида «жонланади».
Масалан, қирол саксофон чалаётгани акс этган фотосурат ёнида мусиқий асбобнинг 3D-нусхаси пайдо бўлади, шунингдек, марҳум монарх чалган куй товушлари эшитилади.
Таиланд қироли Пумипон Адульядет 2016 йил 13 октябрь куни соғлиғи кескин ёмонлашгани туфайли вафот этди. 29 ноябрь куни эса валиаҳд шаҳзода Маха Вачиралонгкорн расман қироллик тахтига ўтирди.
Изоҳ (0)