iPhone учун мўлжалланган Siri овозли ёрдамчиси фалаж бўлиб қолган экстремал велосипедчи Эндрю Чони қутқариб қолди. Бу ҳақда Motherboard хабар берган.
Январь ойининг бошида Чо ўз тана аъзоларининг ишламай қолаётганини сезган ва тез ёрдам чақиришга қарор қилган. Шифокор кириши учун эшикни очиш мақсадида ўрнидан турган пайтда учинчи ва тўртинчи бўйин умуртқалари орасида қон айланишида узилиш юз берган. Танасининг бўйнидан паст қисми фалаж бўлиб қолган.
Чо ерга йиқилган. Шу пайтда уйда Чодан бошқа ҳеч ким бўлмаган ва у тез ёрдамга қўнғироқ қила олмаган. Унинг бахтига iPhone шундоққина юзи олдига тушган. У тили ёрдамида овозли ёрдамчи Siri’ни фаоллаштириш тугмасини босишга муваффақ бўлган ва ундан 911 қутқарув хизматига қўнғироқ қилишни сўраган.
Шифохонада Чо операция қилинди. Докторлар унинг соғайишга имкони борлиги, бироқ катта эҳтимол билан 12 ой давомида фалаж бўлиб қолишини тахмин қилмоқда. Чонинг дўстлари унинг даволаниши учун GoFundMe сервиси орқали пул йиғишни бошлаб юборди. Ҳозиргача 101 минг доллар йиғилди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)