Хитойда 2016 йили лотереялар сотувидан келган тушум 57 млрд долларни ташкил этди

Хитойда ўтган йили турли лотереялардан тушум 2015 йилга нисбатан 7,3 фоизга ошди ва 394,6 миллиард юанга (57,5 миллиард доллар) етди. Бу ҳақда мамлакат молия вазирлиги маълум қилди, дея хабар беради «ТАСС».

Хайрия лотереялари сотуви 206,5 миллиард юань келтирди. Тарқатилиши 13,1 фоизга кўпайган спорт лотереялари 188,2 миллиард юань тушум берди. Хитойда декабрь ойининг ўзида 36,6 миллиард юанлик лотерея чипталари сотилди. 

Хайрия ва спорт лотереялари сотилишидан келган тушум маъмурий харажатлар ва ютуқлардан ташқари мамлакатда ижтимоий таъминотни яхшилаш ҳамда спорт иншоотлари қурилишига сарфланади.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.