Испания Ла лигасининг 19-тур беллашувларига якун ясалди. Шанба оқшомида Мадриднинг «Реал» клуби Серхио Рамоснинг дубли сабаб зафар қучган бўлса, якшанба куни яна 5 та ўйин бўлиб ўтди.
Чемпионлик учун кураш олиб бораётган «Севилья» футболчилари сўнгги ўринни банд этиб турган «Осасуна»дан 3 та гол қабул қилиб олди ва 4 та гол уришга муваффақ бўлди. Қўлга киритилган 3 очко Хорхе Сампаоли шогирдларига биринчи даврани 2-ўринда якунлаш имконини берди.
Мадриднинг «Реал»и клублар ўртасидаги жаҳон чемпионатида иштирок этгани учун 1 та захира ўйинига эга бўлиб турибди. «Валенсия» майдонида бўлиб ўтадиган ўша учрашув 15 февраль санасига тайин қилинган. Унга қадар «Севилья» биринчи даврани 1 очколик фарқ билан якунлади.
Каталониянинг «Барселона» клуби эса турнир жадвалида 3-ўриндан кўтарила олмади. Луис Энрике жамоаси «Эйбар» майдонида йирик ғалабани қўлга киритганди.
Қайд этиш керак, тўпурарлар пойгасида айнан «Барселона» футболчилари пешқадамлик қилмоқда. Биринчи даврадан кейин Месси ва Суарес ҳисобида 15 тадан гол бор.
Турнинг марказий ўйини Бильбаода бўлиб ўтиб, «Атлетик» футболчилари Мадриднинг «Атлетико» клубини қабул қилди ва 2:2 ҳисобида дуранг ўйнади. Бу очко йўқотишдан кейин Сан-Себастьяннинг «Реал Сосьедад» клуби очколар сони бўйича «Атлетико»га етиб олди. Қайд этиш керак, томонларнинг ўзаро ўйинида «Соседад» «Атлетико» устидан 2:0 ҳисобида зафар қучганди.
Испания Ла лигаси 19-тур беллашувлари 22 январь, якшанба
«Осасуна» — «Севилья» 3:4
Голлар: Серхио Леон, 15 (1:0). Иборра, 43 (1:1). Иборра, 63-авт (2:1). Иборра, 65 (2:2). Франко Васкес, 80 (2:3). Пабло Сарабия, 92 (2:4). Кенан, 93 (3:4).«Атлетик» — «Атлетико» 2:2
Голлар: Коке, 3 (0:1). Иньиго Лекуэ, 42 (1:1). Оскар Де Маркос, 56 (2:1). Антуан Гризманн, 80 (2:2).«Бетис» — «Спортинг» 0:0
«Реал Сосьедад» — «Сельта» 1:0
Гол: Хуанми, 72 (1:0).«Эйбар» — «Барселона» 0:4
Голлар: Денис Суарес, 31 (0:1). Лионель Месси, 50 (0:2). Луис Суарес, 68 (0:3). Неймар, 90+1 (0:4).
Изоҳ (0)